આગ અનજાણી

ઠુમકે હાલી,
મ્રુગ મોહની,
આંખ મટકાવી,
હોંઠ હલાવી,
વરસાદની હેલી.
ઝુમખો ઝુલી
વાત કે છાની,
ઝણકી ધુધરી,
વાત દબાણી.
ઝાંઝર શાણી,
ચાલે છાની,
ઓઢી ચુંદડી,
જાણે રાતરાણી.
કાજળ કાળી,
થઇ નખરાળી,
આંખ્યું શરમાણી,
હૈયે છુપાણી,
અગન અનજાણી.....
.....kjp....kusum.(21/11/2011)

દિલ વિરુધ્ધ દિમાગ

પ્રેમમાં ચાહતે અમારા કેવા ભાગલા કીધા ?
દિલે દિમાગની દુનીયામાં આ તે કેવા આતંક કીધા ?
જોઇ તને ક્લાસમાં દિલ કહે , તને નજર ભરી જોયા જ કરું.
મન ન માને વાતને , ફરી ચુપચાપ ગણીતના દાખલા ગણૂં.
બાગમાં રાહ જોઉં તો દિલ કહે ,હજી થોડું બેસ એ આવતી જ હશે.
મન કહે ઉભો થા ઘેર જા, નહીં તો બા વેલન થી ઠપકારતી હશે.
દિલને તારા જેવી લાગે શાકવાળી,દેતા પૈસા હાથ લિધો જાલી.
દિમાગે બાજી લીધી સંભાળી,નહી તો મને માર પડત ભારી.
આખી આખી રાત પલક્યા વગર, તારી તસવીર દિલ જોયા કરે,
દિમાગ સમજાવે સુઇ જા, નહી તો બાર વાગશે આમ જ પથારીએ.
મેચ માંય તું દેખાય છે,રમે સચીન 'ને તારે નામે ચિઅર-અપ થાય છે.
દિમાગ કહે એ બેવકુફ, મહોલ જો ફજેતી દોસ્તો માં થાય છે.
રુબરુ મુલાકાત થા્ય ત્યારે ,ખીલે છે દિલમાં કુસુમ મારે.
દિમાગ તને જોઇ ભડકે ખરુ, પણ સુગંધ એમાંય વર્તાય છે.
.....kjp...kusum.(24/01/2006)

તારામાં.....

શબ્દ શોધું છું તારામાં,
ગઝલ ગોતું છું તારામાં,
પનિહારી હું પ્રિત કેરી,
ગોતું છું પનઘટ તારામાં...

શું તેજ તરતું તારામાં,
વાદળ ઢળતું તારામાં,
ચાંદની હું પ્રિત કેરી,
ગોતું છું ચંદર તારામાં...

દિલ મહેકતું તારામાં,
ભમર ગુંજતું તારામાં,
રાગિણી હું પ્રિત કેરી,
ગોતું છું સંગીત તારામાં...

મોજ ઉછળતું તારામાં,
નિર-શાંત સરતું તારામાં,
સરિતા હું પ્રિત કેરિ,
ગોતું છું સંમંદર તારામાં.......
.....kjp...kusum..(15/10/2011)

જીવ્યે જાંઉ છું

સાથ ન ખપતો કોઇ નો હવે
અંતર  એકાંતમાં જીવ્યે જાઉ છું...

લાશ તરતી દુનિયા દેખે
સાગર પેટાળે જીવ્યે જાઉ છું..

ડામ દઇ દિલને આકરા
તણખા રાખમાં જિવ્યે જાઉ છું..

આંખો આંસુ ભરી છલોછલ
શમણા હું ખાલી જિવ્યે જાઉ છું...

કોઇની શું વાત કરું દોસ્તો
'કુસુમ' બની કંટક  જિવ્યે જાઉ છું..
......kjp...kusum.(11/10/2011)

તારા વગર

ઝાકળ સુકું તારા વગર,
જળ જલતું તારા વગર...

કાં ઢળતો ચંદ્ર રાત ભર,
રાત જાગતી તારા વગર...

સાદ હો ઝાંઝર ઝર ઝર,
દિલ ભેંકાર તારા વગર....

ઉડે દુપટ્ટો જો ને લહેર,
સાગર ભોંઠોં તારા વગર....

હો અહેસાન જો સુર્ય પર,
ક્યાં છે ઉજાસ તારા વગર...

નજરું ન કર બે નજર,
દેખે તો, જીવું તારા વગર...

જાય જીદગી સમય સર,
શીદ હું જીવું તારા વગર...
.......kjp....kusum.(11/10/2011)

શરુઆત

તારું સપનું એ તારું સપનું નથી,
મારી તીવ્ર તમન્નાઓનું પરિણામ છે...
તું શું જાણે આ ભડકા હ્રુદયના,
તારા દિલની આગનું આ પરિમાણ છે...
આંખમાં અગીયાઓ રાત લઇ જાગે છે,

થાય ઠંડીગાર હવા સમજ,

તારા પ્રેમનું ચલણ સરેઆમ છે...

એક ચહેરો જોવાની તડપમાં ,

ફેરવ્યા કેટલાય પડખા પથારીએ,

ના નિંદરની બાદબાકી નહી,

 અહીં પ્રેમ નો ગુણાકાર છે...

ધારદાર નજરની નજર એવી પડી,

એ પ્રેમ નજરના પ્રેમમાં,

મારા પ્રેમનું કત્લેઆમ છે...

વસ્તુઓની કંઈ ક્મી નથી આમ તો,

બસ રાખ્યો છે રુમાલ તારો,

એ મારા પ્રેમનો અધીકાર છે..

આરીસો જોવો અમથો ગમતો નથી,

ટકી જાઉ સામે એની જો,

સમજ કે પ્રતિબીંબમાં તારો અણસાર છે...

નજર જુકાવી હાથ હાલાવી તમે ચલ્યા ગયા,

બસ શું આવો ને આટલો જ -

-મારા પ્રેમ નો પ્રતિસાદ છે ???

સ્પર્શ થતા જ સંભળાઇ ગઇ,

હ્રુદય સંગીતની અનોખી સરગમ,

જાણે તારા પ્રેમાલાપની બસ આજ તો શરુઆત છે.....

..............kjp.....kusum.

પ્રિત...

પ્રિતને વળી સરનામું ન હોય,

 એનું ઠામને ઠેકાણું ન હોય,

ન હોય કોઇ નિયમ કે ધારો,

અહિં સ્વાર્થ નું કોઇ કામ ન હોય......

શક્ય છે કે લુટાઇ જશે,

બધું આ દિલના દરબારમાં,

ન હોય જ્યાં બાકી કોઇ ખજાનો,

મુંગા ચોરાયા શિવાય કોઇ ચારો ન હોય......

ભક્તિ કેરું નામ છે પ્રિત,

વિરહની ઉજળી ભાત છે પ્રીત,

ન હોય મિલન ના અધીકારો,

ભુલવાને શક્ય અહીં એવો અવકાશ ન હોય......

.........kjp....kusum.

વ્રૂધ્ધ..

સમી સાંજે સાગર ઘુઘવાતો'તો,
બાળકોના કોલાહલમાં હું ગૂંચવાતો'તો.
સઘળું હતું એવું ને એવું,
રેતીએ રગદોળાયેલા એ બાળકો,
સ્વપ્નોના મહેલ બનાવતા એ બાળકો.
કલ્પવ્રુક્ષની કતાર એ જ હતી,
હતો એ જ 'બેન્ચ'નો સહારો,
કહે મુજને કંઇક ઈશારેથી,
સમજતો ન હતો હું બેચારો.
હવા સૌમ્ય સુગંધિત એ જ હતી,
પવન પેલે વેગે જ ફૂંકાંતો,
બદલાયો હતો ફક્ત સમય વેગી,
વખત જ બદલાયેલો હતો મારો.
પહેલા મુજ પર યૌવનની છટા હતી.
પણ આજે કહેવાવું છું હું વ્રુધ્ધ બેચારો.

.......kjp...kusum.(21/4/2005)

??? મને???

છોને સૌ ચાલ્યા જતા., કોક તો જો જો મને .

માળથી ખરી પડેલ હું મોતી ,કોક તો વિણજો મને.

દિન ભાનું ન ચળકતો હું આભમાં ,
અસ્તના પ્રકાશમાં, કોક તો નિહરજો મને.
છાયા પડી ભ્રમર મુજ પર,

કુસુમ ગણી કોક તો ગુંથજો મને.

હરણ થાય છે ચીર મારા ,

ક્રુષ્ણ બની કોક તો સુણજો મને.
હોડી મારી વમળમાં ગુમી રહી,

છીપ બની કોક તો ઝીલજો મને.

પ્રેમ મીઠી બુંદ ન પામી હું કહીં,

સાગર તણા નીર કોક તો ધરજો મને.

તસવીર મારી આ નથી, હું શું વાંક લઉ તકદિરનો?

પડછાયામાં પડે નજર, કોક તો ગોતજો મને.

ઉભી હતી જ્યાંથી,બધા રસ્તા વળી ગયા,

ક્યાં જાવું છે તમને ? કોક તો પુછજો મને.

........kjp...kusum.

શ્રધ્ધાંજલી...

દુઃખી માનવીની અરજ સાંભળતો હોય તો,
પ્રભુ તને એટલું કહું !
અધ ખીલેલા ગુલાબને આંધી બની,
તારાથી કેમ લઇ જવાય ?
ન જોયું તે ઝુલતી પાંદડીઓ સામે કે,
જેની સાથે એ ડોલતું હતું ,
જડથી ઉખડી ગયેલા છોડને તે ન જોયો ?
કે જેણે કેટ્લું વેંઠી એને પોસ્યો હતો?
ન દેખાયો તને દુર ઉભેલો માળી ?
કે જેણે કેટલી આશાથી આ બાગ ખીલવ્યો હતૉ ?
વૈરાન કરી ગયો બધાને એક જ પવનનો હીલોળો,
તોય બેઠા બેઠા તારાથી આ અન્યાય કેમ જોવાય ?

શરણે આવ્યું એ જો તારે,
તો બીજી અરજ એટલી તને,
મુરજાય નહીં એ અમથુ જો જે,
ગુલાબ રહે એ ખીલતું સદાય,
-ને- એની સુવાસનો અનુભવ અમ સૌને થાય.

પ્રભુ એ પરમ આત્માને શાંતી પ્રાપ્ત થાય.
( શ્રધ્ધાંજલીના ફુલ સ્વ.ભાઇ દિપેશ માટે.)

એક છોકરી.

આંખોના અણસારમાં હતી એક છોકરી,

ભીંજાયેલી સાડીમાં , હતી એક છોકરી...

રાતનો મોસમ હતો'ને ,ચન્દ્ર્ સુરજ બની તપાવતો હતો,

તોય શબનમનું બિંદુ બની ઉભી,

હતી એક છોકરી...

વિજળી કાયાંમાં ફરી વળી'ને,ચમકારો આંખમાં થયો,

તોય આંખોને નીચે ઢાળી ઉભી,

હતી.એક છોકરી...

વ્રુક્ષ બની સ્થિર હતો'ને,બાંહોની ડાળી તેના પર ઢળી પડી,

તોય લજામણીના છોડની જેમ બીડાયેલી,

હતી એક છોકરી...

.....kjp...kusum.(14/7/2006)

ચાલ આપણે મળીએ...

ઘનઘોર વાદાળથી,
ઘેરાયેલા એક વ્રુક્ષની,

નવી ફૂટેલી કુંપણની ઓથમાં,ચાલ આપણે મળીએ...

વેગીલા પવનની ખુમારી,
વણજાર વરસાદની ઝાલી,
એક નિર બિંદુની ગોદમાં,ચાલ આપણે મળીએ..

સાગરની ભારી ઘુઘરાટી,
સંગ સરીતાની ખિલખિલાટી,
ભેખડના એ શૂનકારમાં,ચાલ આપણે મળીએ..

આંખો આકાશની તોફાની,
હોય ધરતી શરમાણી,

એ ક્ષીતીજના લોભમાં,ચાલ આપણે મળીએ..

..........kjp....kusum.

કણીકાઓ

સામ સામે બધા જ સંબંધોના પરીચય થઇ ગયા.
એક આરીસો મારી સામે હતો અને બીજાની સામે હું હતો....
..........kjp....kusum.

લાજવાબ મારા શબ્દો પાછળ ઘણા પ્રશ્નો છુપાયેલા હતા..
જવાબ ચાહતી, પણ બધા 'લાજવાબ' કહી ચાલ્યા ગયા...

.........kjp.....kusum.

કાંચના એ કાગળ હતા, લખ્યા પહેલા તીરાડ પડી ગઇ..

બસ હવે એટલું જાળવવાનું કે ક્યાંક તને ખૂંચે નહીં..

.........kjp...kusum.

કેટલાય અરમાનોની ઠાંઠડી ઉઠી છે આંખ સામે ..

જુઓ આ ઘુઘવાતા સાગરમાં ભરતી હવે ખુટી પડી..

......... kjp....kusum.

પ્રતિબીંબ મારું જો પડ્યું હોય ક્યાંક તો એ તારી આંખો હતી..

આંસુ સારી તેં મારી આક્રુતિ પણ ભુંસી નાખી...

........kjp.....kusum.

હું અને તું

'તું' અને 'હું',

'હું' અને 'તું,'

'હું' અને 'તું' માં કેટલો ફેર છે ??

હું તારા માટે જીવું છું ,

પણ તું 'હું' જ બની જીવે છે.

તારા 'હું' માં અને મારા 'હું' માં ઘણું અંતર છે,

તારો 'હું' ફક્ત તારી માટે જ છે,

ને,

મારો 'હું' તને સમર્પિત છે.

હવે તારી પાસે બબ્બે 'હું' થઇ ગયા.!!!

એકલી તો હું થૈ ગઇ 'હું' અને 'તું' હોવા છતાં .!!!!!!!!!!!!!!!

.......kjp...kusum.

તારા વિચારમાં...

તું ઝુલે છે ડાળમાં ને,
               હું ભમર બની ગુંજું છું બાગમાં-

ગોતુ છું એક વસંત આજ,

              ક્યાંક ખીલી જાવું છે તારા વિચારમાં.....

સરિતાના નિર પવીત્રતાનું પ્રતીક છે,

              સાગરની શરારતનું દ્રશ્ય પણ અજીબ છે,

ગોતું છું એક મિઠાશ આજ,

              ક્યાંક ભળી જાવું છે તારા વિચારમાં.....

અડ્ક્યા વગર તને, પવનને પણ નથી ચાલતું,

              સુવાસ મોજણીમાં હર એક ફૂલ મહેકાવતું,

ગોતું છું એક સુગન્ધ આજ,

              ક્યાંક સમાઇ જાવું છે તારા વિચારમાં....

તારા મુખમાંથી સરેલા એક એક શબ્દ,

            સાંભળી રહેતો હું બની નિઃશબ્દ,

ગોતું છું એક અવાજ આજ,

             ક્યાંક સંભળાઇ જાવું છે તારા વિચારમાં...

આંધી જો આવે તોય હવે કોને ડર છે ?

             ધરાશાયી  જે થશે તો એ ફક્ત મકાન હશે,

ગોતું છું એક વસવાટ આજ,

             હવે તો જીવન ભર વસી જાવું છે તારા વિચારમાં....તારા વિચારમાં......

.......................kjp.....kusum.

A TRUE GIFT

મૂઠ્ઠિભર રૂપિયા આપીને તેઓ આપણો સમય ખરીદી લે છે. સમય વેચવો એ કદાચ આપણી મજબૂરી હશે. સારું છે કે તેઓ આપણાં વિચારોને ખરીદી શકતા નથી. નહિતર તેઓ તો તેને પણ ખરીદી લેત ! જેને તેઓ ખરીદી શકતા નથી તેવાં આપણાં વિચારોની આપણે શું કીમત કરીએ છીએ ? શું આપણા વિચારો ખરેખર અમૂલ્ય નથી ? અને જો ખરેખર તેમ જ હોય તો આપણે ગમે તે વિચારો શી રીતે કરી શકીએ ?....MY gift from my bro HARIN GOHIL

કણિકાઓ

સપનું એ સપનૂં બની જીવવા દે..

સપનૂં એ સપનું બની જીવવા દે...

હકિકતમાં તો રાત નૉ અન્ધકાર પણ નસિબમાં નથી....

.......kjp.....kusum.

અવાજનો કાન સથે કાંઇ લેવા દેવા નથી હોતા

હોય છે તો એ ભાસ દિલ ન ટુટવાનો....

..

..........kjp..........kusum.

આ માન છે.!

સોનાનું પીંજરું આ મન છે..
ખાલી કણસે એ આ મન છે..
દ્યો દિલાસો દિલને એ સમજી જશે...
હોય અગરૂ સમજાવવુ એ આ મન છે..
બિલાડા બાજે જો હોય એ પારકા...
ખુદ ને ખુદથી બજાડે એ આ મન છે..
તરસ્યાને પાણી અમુલ્ય ધન છે..
છતે પાણી તરસ્યું રહે એ આ મન છે..

નથી હારતો શરીરથી આ માનવી..

હરાવે ને થકાવે જે કેવળ આ મન છે...

દુઃખ જોઇ દુઃખી ન થાય સુખની ઇર્ષ્યા કરે..
સતત જીવે સુખ ઉધાર પર એ આ મન છે..
રોજ ઉડાડે ભલે કોઇ નામના લીરા બધે..

ચોરીને ચીંથરા ગામના પહેરે એ આ મન છે..

ડરપોક કહી દિલને ઠપકારતું હરદમ..

ખુદના ડરથી અજાણ બાહોંશ એ આ મન છે..

શ્વાસ આપણા જીંદગી પણ આપણી તોય..

પોતાની રીતે સૌને જીવાડૅ એ આ મન છે......

................kjp........kusum.

હું એક એવી જીંદગી જીવવા ગઇ...
પગ હતા પાણીમાં અને મ્રુગજળ પીવા ગઇ..

.........................kjp.......kusum.

કોઇ કે મને પુછ્યું કે સાગરમાં આટ્લી ખારાશ કેમ ??
બસ આંખમાં થી આંસુ ની નદી વહેવા માંડી.....
............kjp.........kusum.

ઉડ્નારને પુછો કેટ્લી મહેનત થી ઉડાય છે....
અહીંથી તો ફક્ત ઊંચાઇ જ દેખાય છે....
......................kjp.....​..kusum.

ઉડ્તાં જોયા કંઇક છાપારા આ વાવાઝોળામા...
નથી હટ્યો તારો પાલવ મારે માથેથી ''માં''...
......kjp.......kusum.

નફરતથી હું તારા દિલ પર રાજ કરી જઇશ....
ના ભુલી શકે તું , ના યાદ કરી શકીશ....
....................kjp.......​.kusum.

લોકોને કંઇક આપીને ભુલિ જનારાને તમે યાદ રાખજો...
પણ લોકો પાસેથી લઇને ભુલિ જનારને તમે પણ ભુલી જાજો...
............kjp............kus​um.

પતંગ આકાશમાં એમ ને એમ જ નથી ઉડ્તું.
ટકવા માટે એને હવાથી લડ્વું પડૅ છે સતત......
...................kjp...........kusum.

અજવાળાને અંદર લાવવા મેં મારા જ ઘરને છાપરે છેદ કર્યું,
ખબર નહોતી કે રજકણ ધુળની કારણ વગર પેસી જશે.....
.....................kjp......​........kusum.

હકિકત એ ન હોય જે ફક્ત દેખાય...્પણ હકિકત એ હોય જે દેખાય અને જેના પર મન પણ વિશ્વાશ કરે,,!!!!!!!!!!
............kjp.......kusum.

એક અનોખી પ્રાર્થના.....
હે ઇશ્વર ! હું સુખી છું એ જ ભ્રમમાં મને જીવવા દે જે.........

........................kjp.......kusum.

આજ ની એક વાત........દુનિયા કોની છે ?
તો કહેવાય કે, જેને હસતા આવડે એની....
પણ હસતા આવડવાથી જ દુનિયા નથી મળતી .......
દુનિયા તો એની છે જેને હસતા હસતા સૌની સાથે વસતા આવડે.....!

..................kjp.............kusum.

તારી વાતોમાં મારા સંવાદ શોધું છું...
કાલના ઇન્ત્ઝારમાં આજની મુલાકાત શોધું છું...
ચાલતા રહેવાની આદતતો હંમેશની પડી ગઇ છે...
છતાં..,,
તારા પાલવમાં એક આરામ શોધું છું....!
.......................kjp....​...............kusum

મજા કંઇ અલગ હોય છે....

તારા દિલમાં રહેવાની મજા કંઇ અલગ હોય છે..

કોઇ પૂછે તો કરાણ કહેવાની મજા કંઇ અલગ હોય છે...

નાદાનીમાં તારા નામને  હથેલીમાં તો લખાઇ ગયું..

રહીરહી એને ચૂમવાની મજા કંઇ અલગ હોય છે.....

જોઇ જોઇ મને ભલેને હસે આ દુનિયા સારી..

તારા પ્રેમની દિવાનગીની મજા કંઇ અલગ હોય છે...

હોંઠોં પર નથી લેવું તારું નામ હું જાણું છું...

બંધ હોંઠેં તને પૂકારવાની મજા કંઇ અલગ હોય છે...

મારા દિલમાં તારા દિલની ધડકન વસી ગઇ છે...

જોઇ ઝલક તારી એને થંભાવવાની મજા કંઇ અલગ હોય છે...

સૂતા સુતા ઊંઘમાં હું નિંદર કરતી નથી....

તને તારા સ્વપનમાં આવી જગાડવાની મજા કંઇ અલગ હોય છે..

ઊડ્તી હોય છે  મારી ઝૂલ્ફો બેફામ બની રોજ..

 લાગેલી તારા હાથની લગામની મજા કંઇ અલગ હોય છે...

હું તો કંઇ કહેતી નથી કોઇને,પૂછે જો ભલે બધા..

નઝરને બીજાની નઝરથી છુપાવવાની મજા કંઇ અલગ હોય છે..

મારી ચાલ પણ હવે ચાહતની ચાળી ખાય છે...

તારી ચાહતના નશામાં ઝૂમવાની મજા કંઇ અલગ હોય છે...

દર્પણ જો આવી ગયું ભુલથી સામે જરા...

મારા પ્રતિબિંબમાં તને જોવાની મજા કંઇ અલગ હોય છે...

ગાલોના ખંજનને હું કેટલી વાર સંભાળું.....

હોંઠોંના ઇશારે એને પડવાની મજા કંઇ અલગ હોય છે...

 તને મળવાનું જો મન થાય તોય હું શું કરું?

અજાણતા જ આંખથી સરેલા આંસુઓની મજા કંઇ અલગ હોય છે...

શ્વાસને શ્વાસમાં ભળાવાની તમન્ના બાકી છે ...

પુરી ન થાય તો એને ત્યજવાની પણ મજા કંઇ અલગ હોય છે.....

.....................................kjp...................kusum.